Nie so lank gelede nie, dalk so 28 jaar

het jy my een aand vinng onder die maanlig gesoen

ek dink die merke sit nog daar

Die blomme in die tuin was mooier daai aand

as enige ander dag

en ek is seker as jy terugdink

sal jy ook nou lekker lag

28 jaar ja en ek droom nog steeds van jou

28 jaar en my hart is steeds in rou

Ek mis jou maltrap kaskenades

jou lekker Vaalseun lag

jou lang briewe van die grens af

wat vra dat ek moet wag

Ek mis jou in my lewe

veral die tyd van die jaar

ek mis jou sommer baie 

wens jy was nog altyd daar

En ek wens vandag dat die heelal

my groete aan jou oor sal dra

dat jy somtyds as dit stil is

ook sal terugdink aan daai dae

My wens is dat ons eendag

dalk vlugtig weer kan ontmoet

en jy my sal vashou in die maanlig

en ons nooit ooit weer hoef te groet.

Anneke Steyn Barnard